«O ano 1912 produciuse o célebre naufraxio do Titanic. Catorce anos antes o estadounidense Morgan Robertson publicara a novela curta que agora nos ofrece Hugin e Munin, O afundimento do Titán, en que parece que predí o futuro, pois ata os nomes dos dous buques coinciden. De novo a ficción adiviña o futuro.»
«[...] estamos [...] perante unha novela curta pensada para o gran público, mais cun adecuado manexo da intriga que mantén vivo o interese do lector e que manexa ingredientes de distintos xéneros, desde o relato de catástrofes ata a aventura a través da natureza aterradora dos polos»
«só nos queda sinalar que a noveliña, mais de cen anos despois de ser escrita e editada, segue a resultar entretida e fainos revivir a catástrofe do Titánic desde a pespectiva de quen a imaxinou catorce anos antes de que acontecese. Para os estudosos da literatura serve para que mediten sobre como foi xurdindo nos Estados Unidos unha literatura popular, de baixo custo, pero de calidade, que é a antecesora directa das grandes películas comerciais de éxito así como dos telefilmes e series que hoxe contempla tanta xente en todo o mundo.»